അഞ്ചാം ക്ലാസ്സ്‌ മുതല്‍ പത്താം ക്ലാസ്സ്‌ വരെ ഹിന്ദി പഠിച്ചിട്ടുണ്ട് എന്നുള്ള ഒറ്റ ധൈര്യത്തില്‍ ആണ് ഞാന്‍ ഡല്‍ഹിക്ക് ജോലി തേടി പോയത്... എന്‍റെ ഒരു ചേട്ടനും ചേച്ചിയും അവിടെ താമസ സൗകര്യം ഒരുക്കി.... അങ്ങനെ ജോലി തേടല്‍ പതുക്കെ സ്റ്റാര്‍ട്ട്‌ ചെയ്തു. സുഗമ ഹിന്ദി പരീക്ഷയില്‍ ഉന്നത വിജയം കരസ്തമാക്കാരുള്ള ഞാന്‍ എന്തിനു ഹിന്ദി ഭയക്കണം... ധൈര്യമായി ഞാന്‍ ദല്‍ഹി നഗര വീചികളിലെക്കിറങ്ങി.
ഭായ് സാബ് ..... ടൈം ക്യാ ഹേ?
ആരെടാ ഇത് സമയം മെനക്കെടുത്താന്‍..... തിരിഞ്ഞു നോക്കിയപ്പോള്‍ ഒരു പാവം റിക്ഷാ ഡ്രൈവര്‍. വാച്ച് ലേക്ക് നോക്കി... ഒരു പത്തെര ആയിക്കാണും.... ടെന്‍ തെര്‍ടി ... വായില്‍ വന്നത് ഇംഗ്ലീഷ് ആണ്... ഭായ് സാബ് ഹിന്ദി മേം ? ശ്ശെടാ... ദസ് ... എന്‍റെ ഗുരുവായൂരപ്പാ....അര ക്ക് ഞാന്‍ ഇനി എന്ത് പറയും... തീസ്.... മുപ്പതു മിനിറ്റ് ആണ് ഞാന്‍ ഉദ്ദേശിച്ചത്.... ഇങ്ങനെ ഒരു ബുദ്ധിമുട്ട് ഹിന്ദിയില്‍ സമയം പറയാന്‍ ഉണ്ടാവുമെന്ന് സ്വപ്നത്തില്‍ പോലും അറിഞ്ഞില്ല... എങ്കില്‍ സ്കൂളില്‍ ഹിന്ദി ടീചെര്നോട് അന്നേ ചോദിച്ചു മനസ്സിലാക്കാമായിരുന്നു... പാവം റിക്ഷാ ഡ്രൈവര്‍ ഞാന്‍ പറഞ്ഞ സമയം ഒരു പിടിയും കിട്ടാതെ വായും പൊളിച്ചു ഇരുന്നു... ആകെ തൊലി ഉരിഞ്ഞു പോകുന്ന ഒരു അനുഭവം... വല്യ ടൈ ഒക്കെ കെട്ടി ജോലിക്ക് കേറാന്‍ നില്‍ക്കുന്ന ഞാന്‍, ഹിന്ദിയില്‍ സമയം പോലും പറയാന്‍ അറിയാതെ... എന്‍റെ മനസ്സില്‍ കിടന്നു ഈ ഭയം ഒന്ന് ആടിയുലഞ്ഞു... സമയം... ദസ്... തീസ്... കര്‍ത്താവേ.. ഇനി മുക്കാല്‍ ആണെങ്കിലോ ??? ഇല്ല... ഞാന്‍ സമയം ഹിന്ദിയില്‍ പറയാന്‍ പഠിക്കുന്ന വരെ വാച്ച് കെട്ടുന്നില്ല... മനസ്സില്‍ ഉറപ്പിച്ചു... അപ്പോള്‍ തന്നെ കെട്ടയിരുന്ന വാച്ച് ഊരി പോക്കറ്റ്‌ ഇല്‍ ആക്കി...
അന്ന് വൈകുന്നേരം ചേട്ടന്‍റെ അടുത്ത് പതുക്കെ ഒരു ബുക്കും പേനയും എടുത്തു കൂടെയിരുന്നു... ആഹാ.. രണ്ടിലൊന്ന് അറിഞ്ഞിട്ടു തന്നെ കാര്യം... ചേട്ടാ.. ഈ സമയം ചോദിക്കുമ്പോള്‍ അരക്ക് എങ്ങനെ പറയണം? ഞാന്‍ ഒരു കൊച്ചു സ്കൂള്‍ കുട്ടി ആയി.. ചേട്ടന്‍ ഒന്ന് ഉഷാറായി ഗൌരവത്തില്‍ പറഞ്ഞു... എടാ... എന്തിന്റെ കൂടെയും സാടെ എന്ന് ചേര്‍ത്താല്‍ അര ആകും... ഉദാഹരണത്തിന്.. പത്തര = സാടെ ദസ് ... പന്ത്രണ്ടര = സാടെ ബാരാഹ്... ഞാന്‍ മുഴുവന്‍ ഉദാഹരണങ്ങളും കുറിച്ചെടുത്തു.... പിന്നീട് സംശയം ഉണ്ടെങ്കില്‍ നോക്കാമല്ലോ... അന്ന് വൈകുന്നേരം ചേച്ചി ഒരു ഒന്നര കിലോ ഗോതമ്പ് പൊടിയും അര കിലോ പഞ്ചസാരയും മേടിച്ചോണ്ട് വരാന്‍ പറഞ്ഞു എന്നെ കടയിലേക്ക് അയച്ചു.. ഇന്ന് പഠിച്ച പാഠങ്ങള്‍ എല്ലാം മനസ്സില്‍ ഇട്ടൊന്നു തിരിച്ചും മറിച്ചും പറഞ്ഞു പഠിച്ചു... നേരെ കടയിലേക്ക് വച്ചു പിടിച്ചു...
ഭായ് സാബ്.. സാടെ ഏക്‌ കിലോ ആട്ട ഔര്‍ സാടെ കിലോ ചീനി....
ധിം തരികിട തോം... കടക്കാരന്‍ ഒന്ന് ഊശിയാക്കി ചിരിച്ചിട്ട് മലയാളത്തില്‍ മൊഴിഞ്ഞു... ഈ പറഞ്ഞ കിലോ കണക്കിന് ഒരു സാധനവും കിട്ടില്ല... ഡല്‍ഹിയില്‍ പുതിയ ആളാണ് അല്ലെ?
പോയി... ഞാന്‍ പടിച്ചെടുതത്തില്‍ എവിടെയോ വീണ്ടും ഒന്ന് പിശകി.. പണ്ടാരം അപ്പോള്‍ ചേട്ടനും സമയവും തൂക്കവും ഒന്നും അറിയില്ലേ ? ഞാന്‍ ചേട്ടനെ ഒരു നിമിഷം ശങ്കിച്ചു... അപ്പോള്‍ കടക്കാരന്റെ വക ഒരു സ്റ്റഡി ക്ലാസ്സ്‌...
മോനെ.. ഒന്നര കിലോക്ക് സാടെ ഏക്‌ എന്ന് പറയില്ല... അത് ട്ടേഡ് കിലോ എന്നാണ്... അതുപോലെ രണ്ടര കിലോക്ക് ട്ടായി കിലോ എന്നാണ് പറയുന്നത്... മൂന്നു മുതല്‍ സാടെ എന്ന് ചേര്‍ത്ത് പറയാം...
എന്‍റെ തെറ്റ്... ഞാന്‍ പത്തു മുതല്‍ ആണ് ചേട്ടനോട് സമയം ചോദിച്ചു പഠിച്ചത്.. ദൈവമേ ഏതായാലും ഇയാള് പറഞ്ഞത് നന്നായി.. അല്ലെങ്കില്‍ ഞാന്‍ പത്തു മണി കഴിഞ്ഞു റോഡില്‍ ഇറങ്ങിയാല്‍ മതി... ഹം.. കര്‍ത്താവെ... ഞാന്‍ പഠിച്ച ഹിന്ദി ഒന്നും തികയാതെ വരുമോ.... ഏതായാലും സമയത്തിന്റെ കാര്യത്തിലും കിലോയുടെ കാര്യത്തിലും ഒരു തീരുമാനമായി... ഗുഡ്. പിറ്റേ ദിവസം ഞാന്‍ ധൈര്യത്തില്‍ വാച്ച് എടുത്തു കെട്ടി..
ഭായ് സാബ് ടൈം ക്യാ ഹേ ?
ട്ടായി ബജെ , ഭായ് ജാന്‍..
എനിക്ക് തന്നെ ഒരു അഭിമാനം തോന്നി... കൊള്ളാം എല്ലാം ഓക്കേ.. ഇനി ഒരു ജോലി കൂടി കിട്ടിയാല്‍ കാര്യങ്ങള്‍ ഉഷാര്‍ ആവും... ഏതായാലും അധികം വൈകാതെ ഒരു ജോലി തരപ്പെട്ടു.. സോഫ്റ്റ്‌വെയര്‍ പ്രോഗ്രാമ്മര്‍... ഒരു ചെറിയ സംരംഭം... ആകെ മൂന്നു എംപ്ലോയീസ്. ഗുനാണ്ടര്‍ (മാനേജര്‍) അല്പം കറുത്ത് തടിച്ചിട്ടാണ്... ഒരു ദിവസം പ്രോഗ്രാമ്മില്‍ മുഴുകി ഇരുന്ന എന്നെ പുള്ളി വിളിച്ചു...
ദീപു തും ക്യാ കര്‍ത്താ ഹേ ?
ചൊറിഞ്ഞു വന്നു... കാരണം ആ കര്‍ത്താ എന്‍റെ തലച്ചോറില്‍ മലയാളം ആയിട്ട് തന്നെ ആണ് ഫീഡ് ചെയ്തത്... ഹിന്ദി തര്‍ജിമ ആ ഒരു വാക്കിനു മാത്രം നടന്നില്ല... സ്വതവേ കറുത്ത നിറത്തിനോട് അല്പം കോമ്പ്ലെക്സ് ഉള്ള ഞാന്‍ മനസ്സില്‍ പറഞ്ഞു... ഒന്ന് പോടാപ്പാ... താന്‍ കൊറേ വെളുത്തതാ... ഞാന്‍ മാനേജര്‍ നെ ഒന്ന് ഇരുത്തി നോക്കി... പുള്ളി വീണ്ടും ....
ക്യാ കര്‍ത്താ ഹേ യാര്‍ ???
സര്‍ ഐ അം നോട് കര്‍ത്താ ... വീടിഷ് (ആയിടക്കു പഠിച്ചെടുത്ത ഒരു വാക്കാനത്... കറുത്ത നിറത്തിനെ കുറച്ചു കൂടി മയപ്പെടുത്തി പറഞ്ഞാല്‍ ആ കളര്‍ പറയാം...). ഞാന്‍ ആ പറഞ്ഞതിന്‍റെ അര്‍ഥം പുള്ളിക്ക് ഒരു പിടിയും കിട്ടിയില്ല.. ഇനി ഇപ്പം പ്രോഗ്രാമ്മിംഗ് ഇലെ പുതിയ വല്ല ടെക്നിക്കും ആണെന്ന് കരുതി മാനേജര്‍ ഉം ഒന്നും മിണ്ടിയില്ല... ഈ സംഭവത്തിന്‌ ശേഷം പുള്ളി എന്നോട് വെറുതെ ഇരിക്കുവനെങ്കില്‍ പോലും ആ ചോദ്യം ചോദിയ്ക്കാന്‍ ധൈര്യപ്പെടരില്ലരുന്നു...
ഓഫീസില്‍ വാട്ടര്‍ കൂളര്‍ എന്‍റെ സൈഡ് ഇല്‍ ആണ് ഇരിക്കുന്നത്... ഒരു ചൂടുള്ള ദിവസം.. മാനേജര്‍ എന്നോട് പറഞ്ഞു...
ദീപു ഏക്‌ ഗ്ലാസ്‌ പാനി പിലാവോ ....
ചൂടല്ലേ... ഞാന്‍ പുള്ളിയുടെ നല്ല മനസ്സിനെ അഭിനന്ദിച്ചു ഒരു ഗ്ലാസ്‌ വെള്ളം എടുത്തു കുടിച്ചു...
ഒരു അഞ്ചു മിനിറ്റ് ആയിക്കാനില്ല... മാനേജര്‍ വീണ്ടും...
ഏക്‌ ഗ്ലാസ്‌ പാനി പിലാവോ യാര്‍.... ഓക്കേ.. നല്ല ചൂട് തന്നെ... നാല്‍പ്പത്തഞ്ചു ഡിഗ്രിക്ക് മുകളില്‍ ചൂടുണ്ട്.. ഒരു ഗ്ലാസ്‌ വെള്ളം കൂടെ കുടിച്ചേക്കാം... വീണ്ടും ഞാന്‍ ഒരു ഗ്ലാസ്‌ വെള്ളം അകത്താക്കി.... കുറച്ചു കഴിഞ്ഞു വീണ്ടും മാനേജര്‍...
കിതനെ ബാര്‍ ബോലാ യാര്‍ , ഏക്‌ ഗ്ലാസ്‌ പാനി പിലാവോ....
സര്‍, ഐ ഹാട് ഓള്‍ റെഡി ത്രീ ഗ്ലാസ്‌ ഓഫ് വാട്ടര്‍... ഐ അം നോട് തെര്‍സ്ടി.....
പുള്ളിക്കാരന്‍ ദേഷ്യത്തില്‍ തനിയെ എഴുന്നേറ്റു വന്നു ഒരു ഗ്ലാസ്‌ വെള്ളം വെള്ളം കുടിച്ചു നെടുവീര്‍പ്പെട്ടു...
നിര്‍ത്തി അന്ന് നിര്‍ത്തി... അതിനു ശേഷം പുള്ളിക്കാരന്‍ ഒരിക്കലും എന്നോട് ഹിന്ദി പറയാന്‍ തുനിഞ്ഞിട്ടില്ല....
Entertainer !
ReplyDeleteअछा है अछा है :)
ReplyDeleteദീപു, ആപ് ബഡാ കഷ്ടപെടാ ആദ്മി ഹേ.... നിങ്ങളുടെ ഹംക്കിത്തരം കൊണ്ട് ഇങ്ങിനെ ആയിപ്പോയി ഹേ..
ReplyDeleteGood One Brother, keep going
haha...Gr8!!!
ReplyDeleteThank you all....
ReplyDeleteKollam...
ReplyDeleteHahahha....................!
ReplyDeleteEnte karyam orthittu eniku chirivaruva
Daivame ennu jan hindi samsarikummmm..............!
ഭാഷ പഠിക്കണമെങ്കില്‍,
ReplyDeleteरूखी सूखी जो मिले पेट भरने केलिए,
और काफी है दो गज ज़मीन जीने मरने केलिए!
എന്നു തീരുമാനിച്ചുറച്ച്‌, അന്യനാട്ടില്‍ക്കൂടി തെണ്ടി നടന്നു പഠിക്കണം. ഞാനങ്ങനെയാണ് ചെയ്തത്. എങ്ങനെയുണ്ടെന്റെ ബുദ്ധി?