Search This Blog

Tuesday, August 24, 2010

പുലിച്ചുവട്

ഒരുപാട് പ്രത്യേകതകള്‍ ഉള്ള ഒരു മനുഷ്യന്‍ എന്റെ നാട്ടില്‍ ഉണ്ടായിരുന്നു......മെലിഞ്ഞു പൊക്കമുള്ള ശരീരം. രണ്ടു കാലിലും വെവ്വേറെ റബ്ബര്‍ ചെരുപ്പുകള്‍ പുള്ളി ഇടും.(പുള്ളി -- ഞങ്ങള്‍ കൊട്ടയംകാരുടെ ഒരു സ്റ്റാന്‍ഡേര്‍ഡ് പ്രയോഗം ആണ് പുള്ളി. അദ്ദേഹം എന്നുള്ളതിന്റെ മറ്റൊരു പ്രയോഗം. പുല്ലിംഗം ആണ് പുള്ളി, പുള്ളിക്കാരി ആണ് സ്ത്രീലിംഗം.)... ഒന്നുകൂടി ശ്രദ്ധിച്ചു നോക്കിയാല്‍ ആ ചെരുപ്പ് ഇട്ടിരിക്കുന്നത് തന്നെ രസകരമാണ്... രണ്ടു വിരലുകള്‍ കഴിഞ്ഞാണ് റബ്ബര്‍ ചെരുപ്പിന്റെ ഇട വള്ളി കയറ്റുന്നത് ( മാത്തമാറ്റിക്കല്‍ റേഷ്യോ - ടു ബൈ ത്രീ )......  അയാളുടെ കാലില്‍ ഞരമ്പുകള്‍ മുറുകി ചുരുങ്ങി ചുരുങ്ങി ഇരിക്കുന്നത് വെളിയില്‍ കാണാം...അത് ശ്രദ്ധിക്കാന്‍ കാരണം അന്ന് ഞങ്ങള്‍ക്കൊക്കെ ആ പോക്കമേ ഉള്ളായിരുന്നു. മറ്റൊരു പ്രത്യേകത - സാധാരണ നായന്മാരെ പോലെ പുള്ളിയുടെ  ചെവിയിലും ധാരാളം രോമങ്ങള്‍ പുഷ്ടിപെട്ടു നില്‍ക്കുമായിരുന്നു... (എന്റെ ചെവിയിലും രോമത്തിന്റെ ആധിക്യം ഏറി തുടങ്ങി ..... പ്രായത്തിന്റെ സൂചനകള്‍...) 
പുള്ളിയെ ഞങ്ങള്‍ നാട്ടുകാര്‍ അറ്റാക്ക്‌ എന്നാണ് വിളിക്കുന്നത്‌.. പിന്നീടെപ്പോഴോ പൊന്മണിയുടെ (ഞങ്ങളുടെ നാട്ടിലെ അന്നത്തെ ഒരു വല്യ പലചരക്ക് കടയുടെ ഉടമ....) കടയില്‍ താളം വിട്ടിരിക്കുന്ന അന്നത്തെ ചേട്ടന്മാര്‍ ആണ് പറഞ്ഞു തന്നത് എന്തുകൊണ്ടാണ് പുള്ളിയെ അറ്റാക്ക്‌ എന്ന് വിളിക്കുന്നത്‌....  കൊച്ചുമണി ആണെന്ന് തോന്നുന്നു.. അതോ ഉറുമ്ബയിലെ രാജുവോ (ഇവരൊക്കെ ഉശിരന്‍ കഥാപാത്രങ്ങള്‍ ആണ്... ഇവരുടെ ഒക്കെ ഓരോ എപ്പിഡോസ് / എപ്പിസോഡ് നമുക്ക് പിന്നീട് കാണാം.) എന്നോട് പറഞ്ഞു പുള്ളിയുടെ പേരിന്റെ ചരിത്രം.... 
പുള്ളി നാക്കെടുതാല്‍ നുണയെ പറയു. ആ നാട്ടിലെ ആബാലവൃധം ജനങ്ങളെയും പുള്ളി വെടി / നുണ പറഞ്ഞു തറ പറ്റിക്കും.... പുള്ളിയുടെ ഈ ആക്രമണ സ്വഭാവം കണക്കിലെടുത്താണ് നാട്ടുകാര്‍ പുള്ളിയെ അറ്റാക്ക്‌ എന്ന് പേരിട്ടത്...

ഒരു സാമ്പിള്‍ വെടി.....
പുള്ളിയുടെ സ്ഥിരം വേദികള്‍ ഒക്കെ ഹൈറേഞ്ച് ആണ്. നാട്ടുകാര്‍ അധികം ഒന്നും ആ കുമളി ഭാഗം കറങ്ങാത്തവര്‍ ആയിരുന്നു...പുള്ളിക്ക് കുട്ടിക്കാനം സൈഡില്‍ എവിടെയോ കുറച്ചു എസ്റ്റേറ്റ്‌ ഉണ്ടായിരുന്നു എന്നാണ് പറച്ചില്‍... ഒരിക്കല്‍ ടിയാന്‍ പതിവുപോലെ അതിരാവിലെ കൃഷിക്ക് വെള്ളം നനക്കാനും മറ്റുമായി പണിസ്ഥലത്തേക്ക് പോയി... വെളുപ്പിന് ഒരു നാല് മണി ആയിക്കാണും.... പുള്ളിയുടെ വഴിയില്‍ ഒരു കരിമ്പുലി ഇപ്പം ചാടിവീഴും എന്ന് പറഞ്ഞു നില്‍ക്കുന്നു.... എന്താ ചെയ്ക....ഒരു നിമിഷം ആലോചിച്ചു നിന്നു.... തനിക്കു പുലിച്ചുവട് അറിയാമല്ലോ.....(ഇതൊരു പ്രത്യേക തരം അഭ്യാസമാണ്. പുലിയുടെ വാല്‍ ഇടത്തോട്ട് പിടിചിരിക്കുകയാണെങ്കില്‍ പുലി വലത്തോട്ടയരിക്കും ചാടുക... വാല്‍ വലത്തോട്ടാനെന്കില്‍ ചാടുന്നത് ഇടതോട്ടയിരിക്കും.. ഇത് അഭ്യസികള്‍ക്കെ അറിയൂ ). പുള്ളി പതിയെ പുലിച്ചുവട് വക്കാന്‍ തുടങ്ങി.. പുലി ചാടാന്‍ വശം കിട്ടാതെ അക്ഷമനായി വാല്‍ മാറ്റിക്കൊണ്ടിരുന്നു... ഇദ്ദേഹം അതിനു അനുസരിച്ച് പുലിച്ചുവട് വച്ചു. ഒടുവില്‍ പുലി ക്ഷീണിച്ചു ... തളര്‍ന്നു.. പുലിക്കു മനസ്സിലായി താന്‍ ഏറ്റുമുട്ടാന്‍ വന്നവന്‍ നിസ്സാരന്‍ അല്ലെന്നു. ഒടുവില്‍ പുലി തളര്‍ന്നു വീണു... അപ്പോള്‍ ടിയാന്‍ പുലിയുടെ വാലില്‍ പിടിച്ചു കറക്കി ഒരേറു വച്ചുകൊടുത്തു... ശൂം ....... ട്ടോ... 
തീര്‍ന്നില്ലാ.........
ഇനി ഇന്ന് രാവിലെ  വെള്ളം നനക്കാന്‍ വയ്യ എന്ന് വിചാരിച്ചു പുള്ളി  തിരിച്ചു വീട്ടില്‍ പോന്നു... വൈകുന്നേരം വെള്ളം നനക്കാന്‍ ചെന്നപ്പോള്‍ കണ്ട കാഴ്ച ..... പുലി നിന്നു ചക്രം ചവിട്ടുന്നു... പുള്ളി അവിടുന്ന് കറക്കി എറിഞ്ഞ പുലി ചെന്ന് വീണത്‌ പാടത്തേക്കു വെള്ളം കയറ്റാന്‍ വച്ചിരുന്ന ചക്രത്തില്‍ .... അത് അവിടുന്ന് കയറിപ്പോരാനുള്ള തത്രപ്പാടില്‍ വെള്ളം മുഴുവനും പാടത്തേക്കു അടിച്ചു കയറ്റിക്കൊണ്ടിരുന്നു....... 

ഇനി എനിക്ക് വെള്ളം നനക്കനാണോ പാട്...... 

5 comments:

  1. Kollam very good ...! Ezhuthikollu ,we are here for reading your blog .............!

    ReplyDelete
  2. thanks dude... ennile kadhaakruthine unarthividendathu ningalude comments aanu...

    ReplyDelete
  3. Plakko, Plakko, Plakko.... hahahaha, entada mone, ninnile a ezhuthachan unarno!!! :)
    hmmm, nice, keep bLOGGINg ...

    ReplyDelete
  4. Hey Deepu...good start da..keep updating..waiting for your next release.Hope you will have big fan club for your blog very soon

    ReplyDelete
  5. thanks shyni.. njaan arayum thalayum murukki rangathirangi kazhinju... :)

    ReplyDelete