Search This Blog

Sunday, November 7, 2010

പ്രണയം.... ഒരു അവലോകനം...

എന്‍റെ  അനിയന്‍ എഴുതിയ കവിതയിലെ രണ്ടു വരികള്‍ നോക്കാം... പ്രണയത്തിന്റെ പാരമ്യത്തില്‍ അവന്‍ എഴുതിയതാവാം.. 
" നീയായിരുന്നെന്‍ രാഗവും താളവും 
നോവുമെന്നാത്മാവിനാകെ പ്രതീക്ഷയും... " 
ഒരു അഗാഥ പ്രണയത്തിന്റെ രുചിയുള്ള വരികള്‍...  ഓരോ കാമുകനും ക്രിയെടിവ് ആണ്... തന്‍റെ ഇണയെ എത്ര വേണമെങ്കിലും മനോരാജ്യത്ത് കൊണ്ട് നടക്കും... അവിടെ അവള്‍ക്കായി മനോഹരങ്ങളായ പൂങ്കാവനം തീര്‍ക്കും... അവിടെ അവള്‍ മറ്റാര്‍ക്കും അവകാശപ്പെടാനാവാത്ത കാമുക ഹൃദയത്തില്‍ ആണ്... ഇത് പ്രണയത്തിന്റെ മനോഹര മുഖം.... ചില ഹത ഭാഗ്യന്മാര്‍ ഇക്കൂട്ടതിലും ഉണ്ട്... പ്രണയം മോട്ടിട്ടാലും അവളുടെ അടുത്ത് ഇരിക്കുമ്പോള്‍ സംസാരിക്കാന്‍ വിഷയ ദാരിദ്ര്യം അനുഭവപ്പെടുന്ന ഒരു കൂട്ടര്‍... എന്നെ ഈ ഗണത്തില്‍ പെടുതുന്നതില്‍ തെറ്റില്ല.... ഒരു സംഭവം... എന്‍റെ കോളേജില്‍ ഞാന്‍ പ്രണയം തുടങ്ങിയ കാലം... എന്‍റെ സാമിപ്യവും സംസാരവും കൊതിച്ചു കൂടെയിരിക്കാന്‍ അവള്‍ വന്നു... തമാശുകള്‍ പൊട്ടിച്ചും മിമിക്രി കാട്ടിയും അല്പസ്വല്പം സ്വയം ജ്യോതിഷവും മറ്റും കൊണ്ട് ക്യാമ്പസ്‌ഇല്‍ ബിസി ആയിട്ടുള്ള എനിക്ക് ഈ സമയം നാവു അണ്ണാക്കില്‍ എവിടെയോ ഓടിയൊളിക്കും... ഒടുവില്‍ എന്തെങ്കിലും പറയണമല്ലോ എന്ന് കരുതി, ഇന്നലെ രാത്രിയില്‍ കണ്ട ഒരു കാര്‍ട്ടൂണ്‍ സീരിയല്‍ (TARSEN) നിന്നും കടമെടുത്ത ഒരു ടച്ചിംഗ് dialog ഇല്‍ തുടങ്ങി... അങ്ങനെ ആ ടാര്സെന്റെ കഥ മുഴുവനും അവിടെയിരുത്തി അവളെ ഞാന്‍ കേള്‍പ്പിച്ചു... എങ്ങനെ ഉണ്ട്... പക്ഷെ എന്‍റെ ക്ലാസ്സിലെ ഒരു മഹാ മനസ്കനും ഈ സംഭാഷണം ഒളിച്ചിരുന്ന് കേട്ടു... പോരെ പൂരം... പിന്നെ ആ കോളേജില്‍ അവന്‍ എന്‍റെ പ്രണയം മാതൃകാപരമായ ഒരു സംഭവമാക്കി.... മണിക്കൂറുകളോളം സ്വൈര്യ സല്ലാപം നടത്തുന്ന കമിതാക്കളെ ആയിടക്കു ഞാന്‍ അല്പം അസൂയയോടെ ആണ് നോക്കിയിരുന്നത്...എന്ത് പണ്ടാരം ആണാവോ ഇവര്‍ ചര്‍ച്ച ചെയ്യുന്നത് ??? 
എന്തുകൊണ്ടോ പ്രകൃതി സ്ത്രീകളെ, പുരുഷനെക്കളും വളരെ നേരത്തെ തന്നെ യൌവ്വനത്തില്‍ എത്തിക്കും... പക്ഷെ കാമുകന്‍ അപ്പോഴും പഠനം തീര്‍ത്തു ഒരു ജോലി കണ്ടു പിടിക്കാന്‍ ഉള്ള യുദ്ധത്തില്‍ ആവും... ഇതൊരു യാഥാര്‍ത്ഥ്യം ആണ്... പലരുടെ പ്രണയവും പൊട്ടി തകരുന്നത് ഈ ഒരു കാലഖട്ടത്തില്‍ ആയിരിക്കും.... എന്‍റെ അനിയന്റെ തന്നെ മറ്റൊരു കവിതയിലെ രണ്ടു വരികള്‍ നോക്കാം....
" നീ മറക്കും, മറക്കേണം....
ജീവിതം നിനക്ക് പൂമാല ചാര്‍ത്തുംപോളെന്നെ......"
ഇതൊരു ജീവിത യാഥാര്‍ത്ഥ്യം ആണെന്ന് പറഞ്ഞാല്‍ അതില്‍ യാതൊരു അതിശയോക്തിയും ഇല്ലാ... ഇതും അവന്‍ മുന്കൂട്ടിക്കണ്ടിരുന്നു... അങ്ങനെ സ്വന്തം കാലില്‍ നില്ക്കാന്‍ തയ്യാര്‍ എടുക്കുംപോളെക്കും കാമുകിയുമായി മറ്റൊരു പ്രതിക്രിയാ വാദി കടന്നു കളയും... വെറും ഒരു റോസാ പൂവ് വിവാഹ സമ്മാനമായി എന്‍റെ സുഹൃത്തിന്റെ കൈവശം  കൊടുത്തു വിട്ടു അവളോട്‌ ഞാന്‍ പറഞ്ഞു...
ഈ പൂവിന്റെ ആയുസ്സ് ഒന്നോ രണ്ടോ ദിവസമായിരിക്കും.... ഇതുണങ്ങി കരിഞ്ഞു പോകുന്നത് പോലെ എന്നെക്കുറിച്ചുള്ള നിന്‍റെ ഓര്‍മ്മകളും മാഞ്ഞു പോകണം... 

"എന്തോന്നാ മാനത്തോട്ടും നോക്കി വായും പൊളിച്ചിരുന്നു മനോരാജ്യം കാണുന്നത്..."  ഞെട്ടി തിരിഞ്ഞു നോക്കുമ്പോള്‍ ഭാര്യ... കുഞ്ഞു കിടന്നു കരഞ്ഞിട്ടും  ഞാന്‍ അവനെ എടുക്കാതെ സ്വപ്നം കണ്ടിരിക്കുന്നതില്‍ ഉള്ള മുഴുവന്‍ ദേഷ്യവും അവളുടെ മുഖത്തുണ്ട്‌... പ്രണയം... മണ്ണാങ്കട്ട... (Ctrl + Alt + Delete  = Locked) 

"എടീ, ഞാന്‍ എങ്ങനെ അടുത്ത മാസം ഒരു ചിട്ടികൂടെ തുടങ്ങാം എന്നൊന്ന് ചിന്തിക്കുവാരുന്നു.. "  
അവളുടെ മുഖം തെളിഞ്ഞു... 

5 comments:

  1. deepu kavitha thirchu ethiyo?????????

    athe kavithayodu ex loverinte details paranju koddukanno ;-)

    ReplyDelete
  2. ... കുടിക്കില്ല... വലിക്കില്ല... കവിത നിന്റെ "അനിയന്റെ" കവിത വായിച്ചില്ലേ? കാര്‍ട്ടൂണ്‍ സീരിയല്‍ കൂടി ഒന്ന് പറഞ്ഞു കൊടുത്തേര്...

    ReplyDelete
  3. ഹം... ഞാന്‍ SHIFT + DELETE ചെയ്തില്ല ....ഒന്ന് ചുമ്മാ ലോക്ക് ആക്കി ഇട്ടതെ ഒള്ളു.. പിന്നീട് എപ്പോഴെങ്കിലും തുറന്നു നോക്കാം....

    ReplyDelete
  4. ചിട്ടി തൊടങ്ങ്യോ മാഷേ..ഹാ.ഹാ.ഹാ.നന്നായിട്ടുണ്ട്ട്ടോ

    ReplyDelete
  5. Thank you Mr. Menon.. ente bhaarya ithu vaayichu, ini njaan chitti thudangunna karyam avalodu parayan pattuvo... :)

    ReplyDelete